從金舖大少到配音王子再到電視綠業王 譚炳文

 

谭炳文（英语：Tam Ping Man，1933年11月14日－2020年9月5日），祖籍广东新会，已故香港男艺人，是香港少数涉足播音员、配音员、歌手、演员和导演的多栖艺人，其深入民心的配音工作，半世纪以来作育英才且桃李满门，让他获得“配音教父”及“配音王”之美誉。此外，他更是香港首位赛马评述员。

譚炳文圈中好友只有兩位，李香琴和狄娜，他說：「冇得解，佢哋鍾意點寫就點寫，我同狄娜拍咗好多套戲，（有冇偷望？）偷咩望吖，佢剝晒衫褲我都同佢拍過啦！冇反應、冇興趣，拍戲嘛，不過佢真係仲開放過我，以前粵語片接吻都係借位，同佢就真錫。」主持人追問當年羅蘭和孟莉同樣曾是性感女星，譚炳文即時「落閘」稱羅蘭是朋友，不會討論，盡展君子風度。

問到入行多年來的最佳拍檔，譚炳文稱論登台絕對非李香琴莫屬，他說：「我同佢根本唔使夾，我有我唱，佢自然會識接我講說話。」楊紹鴻表示去年曾經問炳哥會否一起去探望李香琴，但炳哥一口拒絕，他知道二人是多年來的老友，對他的反應大感奇怪，原來炳哥認為好心噏，正因跟李香琴太熟，連炳哥都認不出來，所以情願不要去。

譚炳文直認工作上沒有遇過低潮，當年拍攝風月片，因為文藝片、言情片、古裝片全部都票房不濟，唯有風月片最受歡迎。他說：「我人生算係幾好彩，工作密食當三番，不過依家就困難，因為戲又冇得拍，廣告又冇得做，我尾龍骨啲骨刺刺住神經線，一行就痛，平日都要人扶住出入，公司叫我開戲都冇接。唉，我都好想過吓戲癮玩吓，唔返工坐喺屋企對住四幅牆真係好悶呀！」

對於工作，譚炳文從來都樂於接受，他更特別勸勉年青人：「有啲大老倌曾經好威，老咗（人氣）跌返落嚟會接受唔到，我睇得好開，就算做茄喱啡冇對白嘅，我都得呀！年青人，最緊要勤力，有咩就去學，唔好怕辛苦、怕蝕底，唔好得罪人，有機會就捉緊，唔好被人話兩句就劈炮唔撈！」他對死亡看得很開，他說：「仔女好，搵到食，家人生活安樂最重要，人生到盡頭唔好諗咁多，只要唔好再捱就夠。」

另外，香港開電視與環星娛樂聯手製作《舊歡如夢譚炳文》紀念特輯，向炳哥致敬。節目邀請到炳哥生前一眾好友分享他們的相處點滴，節目昨日錄影並將於今晚（9月13日)晚上8點半在77台香港開電視播映。